Qanunlarda qayd etilgen imtiyazlarnı almaq içün ölgen Ukrainanı qorçalayıcınıñ ailesiniñ azaları maqbul statusnı vesiqalaştırmalılar. Adliye nazirliginiñ Facebook saifesinde bu aqqında haber berdiler.

Bu statusnı almağa aqqı olğan insanlar arasında:

• (USQ, Milliy gvardiya ve milliy telükesizlik ve mudafaanı temin eterek göñülli şekillendirmelerniñ terkibinde cenkleşken) askerlerniñ aileleri;
• milliy telükesizlik ve mudafaanı temin etken müessiseler, teşkilâtlar ve şirketlerniñ işçileriniñ aileleri;
• ölgen ya da habersiz ğayıp olğanlarnıñ aileleri.

Ukrainanı qorçalayıcınıñ ailesiniñ azası statusını vesiqalaştırmaq içün rayon ealini içtimaiy qorçalav meseleleri bölügi, Kıyiv şeerindeki rayon devlet memuriyeti, şeer ve şeerdeki rayon şurasınıñ icra organına ariza ve vesiqalarnı berip hitap etmek kerek.

Malümat grafikasında kerekli vesiqalar cedveli ve daa tafsilâtlı malümatnen tanış  olmaq mümkün.