Uquq qorçalayıcı organlar, yerli sakinge duşman işdeşlikte (Ukraina Cinaiy qanunnamesiniñ 111-1. maddesiniñ 5. qısmı) şübe bildirdiler. Herson vilâyet prokurorlığınıñ matbuat hızmeti bu aqqında haber berdi.

Taqiqatçılarnıñ bilgilerine köre, 2022 senesi oraq ayında 57 yaşındaki şübelengen qadın duşmannen işdeşlik yapmağa başlağan. O, işğalcilerniñ qanunsız olaraq teşkilâ etkenleri sağlıq bölüginiñ başı vazifesini alğan.

Çalışqanda qadın, lâğap qullanğan edi. O, işğal akimiyetiniñ emrilerini yerine ketirgen ve sağlıq müessiseleriniñ işini rus standartlarına uyğunlaştırğan edi.

UTHniñ saytındaki bilgilerge köre, bu “vazife” yapqanda şübelengen qadın, zapt etilgen hastahanelerni yaralanğan işğalcile içün arbiy hastahanege yañıdan abadanlaştırmağa teşkil etken edi.

Bundan ğayrı, cinayetçi tecavuzcı bir devletniñ rus askerleri ve işğal organlarına ilâçlarnıñ teminatı vazifesini yapqan edi.

Şu anda qadın tevqif astında buluna. Mülkü musadere etilip, o 10 senege maküm etile bilir.