“Suspilne” telekanalınıñ canlı yayınında vitse baş nazir İrına Vereşçuk bunı bildirdi.

Onıñ sözlerine köre, Lehistan Ukrainanıñ esas ticaret ve geosiyasiy ortağıdır. Böylece, 2023 senesi ülkelerimiz arasında ticaretniñ fiyatı 12 milliard dollar edi.

İrına Vereşçuk qayd etti ki, tamam o, Ukraina-Lehistan Ükümetlerarası iqtisadiy eyyetniñ işdelik meseleleri oturışınıñ esas muzakere mevzusı oldı. Şu cümleden, orta sıñır ve bergi kontrolı, tecavuzcığa mahsulatnı taşıma ve tranziti aqqında laf ettiler.

Memurnıñ sözlerine köre, qarar berildi ki, saban ayınıñ soñunda baş nazir Denıs Şmığalnıñ başlığınen ükümetçiler taqımı, Varşavada bu meselerlernen mesleat berecekler.

“Biz añlaştıq ki, Varşavağa ketecekmiz, agro saasınıñ vekillerinen subet etecekmiz, isaiyatnı kösterecekmiz ve leh fermeriniñ ukrain ububatından qorqmaması içün mümkün olacaq er şey yapacaqmız. Çünki bizim orta duşmanımız rusiye ve onıñ hırsızlağanı ububattır. Brüsselde orta sanktsiyalarnı kirsetmelimiz. Avropa Birliginde rus agro mahsulatı olmamalı. Bu saada Baltiya ülkeleri bizni pek çoq destek eteler. Lehistan Cumhuriyetiniñ Symi de maqbul qarar berdi. Bunıñ içün ğayretlerimizni birleştiremiz ve destek içün ortaqlarımızğa teşekkür bildiremiz”, – dep İrına Vereşçuk hulâsa çıqardı.