3 öksüz balanı ya da ana-babanıñ vasiyliginden marum etilgen balanı eybetlegen vasiy ailesi aqqında laf etemiz. Herson vilâyet arbiy memuriyeti bu aqqında haber berdi.

Ukrainanıñ kontrol etkeni topraqqa 11-17 yaşındaki eki oğlan ve bir qız qaytarıldı.

Save Ukraine hayriye teşkilâtı, vasiy ve eybetleyici organları ve Bala meseleleri hızmetiniñ orta ğayertlerinen balalar muvafaqiyetnen qaytarıldı.

İşğalde balalar rus mektebine barmağa mecbur oldılar. Ana red etkeni sebebinden balalarını alıp çıqarmağa qorqattılar.

Ruslarnıñ basımı ve taqipleri sebebinden evden deyerli çıqmağan ve muntazam streste yaşağan edi.

Şu anda olar telükesiz yerde bulunalar, kerekli tibbiy ve ruhiy yardım alalar. Yaqın kelecekte olar reabilitatsiya keçirecekler.

Qayd etildi ki, 2024 senesiniñ başından Ukrainanıñ kontrol etkeni topraqlarğa Herson vilâyetinden 38 bala muvafaqiyetnen qayatrıldı.