ReNazirligi, Qırımda duşman işğaline qarşılıq köstergen Ukraina vatandaşlarınıñ ikâyelerini yayınlamağa devam ete.

“Data” – qırımtatar adamı, yedek askeri, zambittir. 2017 senesinden başlap silâ alıp, Ukrainanı rus tecavuzcılarından qorçalay, tuvğan Qırımnı azat etmege cenkleşe.

“Data” Qırımda 17 sene yaşağan edi – doğğan vaqıttan başlap asker akademiyasına kirgen vaqıtqa qadar. 2014 senesi ruslar Ukrainağa qarşı cenk başlatqan ve yarımadanı işğal etken vaqıt “Data”, getman Petro Sağaydaçnıy adına Topraq ordusınıñ Milliy akademiyasında birinci kursta oquy edi.

Öz cenk yolunı Svitlodar duğada başlattı, Ğorlivka yanındaki Pivdenne qasabasını azat ete edi. 2019 senesi terkibinsde Maryinka yanındaki topraqnı qorçalağan batalyonnıñ komandanı oldı.

Luhansk vilâyetiniñ Popasna şeerinde öz batalyonınen tolu miqyaslı tecavuznı qarşıladı. O zaman onıñ taqımınıñ qaravul arbiy rotatsiyasınıñ onuncı (soñ) ayı edi.

Ana-babasınıñ evini azat etmek ve tecavuzcı bir devletniñ yoq olması içün asker mümkün olğan er şey yapa.