«Suspilne» telekanalınıñ canlı yayınında vitse baş nazir İrına Vereşçuk, cebege yaqın topraqlarnıñ sakinlerine böyle sözlernen muracaat etti. Ayrıca, Donetsk vilâyetiniñ sakinleri içün bunı qayd etti.

Memur hatırlattı ki, saban ayınıñ 23-ünden Pokrovsktan tahliye treniniñ ketecek yeri deñişe. Keçkende tren Jıtomır vilâyetine kete edi, şimdi ise Rivne vilâyetine ve Volın bölgesine ketecek.

«Tahliye etilgenlerge para, ev ve yaşayış içün kerekli er şeyden yardımcı olacaqmız», – dep İrına Vereşçuk qoştı.

Aynı zamanda o, tahliye etilgenlerni ertece evlerine qaytmaqtan tenbileyedi. Çünki birinciden bu, özüni telükeli alğa oğratmaq demektir.

«Tahliye etilgen insanlarnı telükeli olğance evlerine qaytmamağa rica etem. Öz ve yaqınlarıñıznıñ ayatı ve sağlığını telükege oğratmañız. Devlet ödemelerini ala bilesiñiz», – dep vitse baş nazir hulâsa çıqardı.