Bugün iş ziyareti çerçivesinde vitse baş nazir İrına Vereşçuk Lehistanğa ketti. Memur, Natolindeki Avropa kolejinde keçken «rusiyeniñ Ukrainağa qarşı cenkiniñ onuncı seneligi. Şura devriniñ uzun soñu» konferentsiyasında iştirak etti.

İrına Vereşçuk qayd etti ki, şu cümleden Lehistan Cumhuriyetiniñ yardımınen rusiyeniñ muntazam terrorına baqmadan bizim devletimiz dayandı. Tolu miqyaslı tecavuznıñ ilk künlerinde Kıyivde olğan eski Lehistan elçisi Bartoş Tsihotskıynıñ destegini ayrıca qayd etti.

Onıñ sözlerine köre, başı Donald Tusk olğan yañı Lehistan Ükümeti, Ukrainanıñ Avropa Birliginiñ azası olmasna yardım etmek içün mümkün olğan er şey yapqanını bildirip, añlaşıldı ki, biz ğalebe qazanacaqmız.

«Men Ukraina ve Lehistan’ın dayanıqlı işdeşligine inanam. Men inanam ki, birlikte olğance rusiye becermeycek. Ve men eminim ki, bizim orta kelecegimiz, bizim orta semereli ve ratsional sitasetimizniñ faydalı neticeleri olur. Biz bunı bilemiz, biz bundan eminmiz, ve men, bunıñ yaqın kelecekte olacağına pek inanam», – dep İrına Vereşçuk qayd etti.