Aftalıq veteran siyaseti meseleleri oturışında vitse baş nazir İrına Vereşçuk bunı qayd etti.

Oturışta bazı insanlarğa planlaşqan tiş yardımınen bağlı tibbiy hızmetler aqqında qararnıñ leyhasınıñ şimdiki alını muzakere ettiler. Şu cümledenü arbiy areketlerniñ iştirakçileri, cenk neticesinde saqatlı olğan insanlarğa şu tibbiy hızmetlerni berüv qararını muzakere ettiler.

Bu programmanı yerine ketirmek içün böyle tibbiy hızmetlerniñ fiyatını tesbit etmek ve hızmetlerniñ azamiy fiyatını belgilemek kerek.

Keçenlerde Veteranlar nazirligi, Maliye nazirligi ve Ukraina milliy sağlıq hızmeti, devlet, kommunal ve şahsiy tiş hastahaneleriniñ vekilleri ayrı oturış keçirdiler.

Oturışta bu tür tiş yardımınıñ tahminiy fiyatları bildirildi ve bütün meseleler al etildi.

Bundan ğayrı, tiş cemaatınıñ bazı hızmetlernen bağlı ameliy ve ihtisasiy isteklerini baqıp işlediler.

Böylece, bu afta icra akimiyetiniñ merkeziy organlarınen maqbul qararnın leyhasını tasdıqlamağa başlamağa planlaştıralar.

“Tiş yardımı – veterannıñ sağlığı ve oñaytlığınıñ müim qısımlarındn biridir. Bunıñ içün bu programmanıñ ecelen çalışması içün çoq ğayret köstermelimiz”, – dep vitse baş nazir hulâsa çıqardı.