Diia qullanımında devlet içinde alınğan kişiler içün servis yañartılğan soñ yañıdan çalışa. Bugünden bir arizanen DAK şeadetnamesi ve aile içün para yardımını vesiqalaştırmaq mümkün. Ükümet portalı bu aqqında haber berdi.

Keçmişte Diiada DAK şeadetnamesi ve tek özü ve balası içün şu ödemelerni vesiqalaştırmaq mümkün edi. Şimdi ise qullanım vastasınen cenk sebebinden siznen beraber köçken aileñizniñ azaları içün ariza yollamaq mümkün.

Bundan ğayrı, köçken soñ doğğan balalar içün de ödemelerni vesiqalaştırmaq mümkün.

Ariza yollav algoritmi:

• Diia qullanımını açıp yañartıñız.
• “Servisler” – “DAK şeadetnamesini almaq”qa basıñız.
• Kerçekten yaşağanıñız yerniñ adresini yazıñız ve geolokatsiyañıznı delil etiñiz.
• Aileñizniñ azalarınıñ bilgilerini yazıñız.
• maliyeviy yardım almaq içün yeDestek kartını saylañız.
• İhtiyac duyğanıñız yardımnı belgileñiz (tibbiy hızmet, tasil ya da gumanitar yardımğa ihtiyac), ve telefon nomerañıznı yazıñız.

Qullanımda başqa raqamiy vesiqalar yanında DAK şeadetnamesi peyda olacaq, bütün aileñizniñ azaları içün para ise yazacağıñız bank kartına yollanacaq.

Qayd etemiz ki, ecnebiy ülkelerge köçken ya da VİETda bulunğan insanlar DAK şeadetnamesi ve para yardımını alamazlar. Tek devlet içinde alınğan kişi şeadetnamesine saip olmağan vatandaşlar, bu servisni qullana bileler.