Çernivtsi VAMniñ uzurındaki Vatandaşlarnı destek idare merkeziniñ keñişletilgen oturışında vitse baş nazir İrına Vereşçuk bunı qayd etti.

 

İdare merkeziniñ işiniñ eñ prioritetli yönelişlerinden biri olğan veteran siyaseti meselesini muzakere ettiler.

 

Mobilizatsiyadan qaytacaq veteranlarnı qabul etmege azırlanmasına diqqat celp ettiler. Şu cümleden, veteranlar ve ailelerini destek algoritmlerini tüşünip çıqarmaq kerekligi aqqında laf ettiler.

 

Böylece, vetranlar içün ihtiyacları, yaraları aqqında kerekli malümatnen mahsus anketanı azırladılar.

 

Arbiy areketler neticesinde eli/ayağını (elleri/ayyaqları) coyğan veteranlarğa ödemeler meselesini de muzakere ettiler.

 

“Bu ödemeler aqlı olmalı. Bizni qorçalağanları içün bizim minnetdarımıznı kerçek yardımğa çevirmek kerek”, – dep vitse baş nazir qayd etti.

 

Bundan ğayrı, ölgen askerlerniñ vesiqalarını aluv meselesi aqqında subet ettiler.

 

Arbiy qısımlar, yaşayış yerine köre TSKğa kerekli bilgilerni vaqtında yollamalılar. Ölgen askerlerniñ aileleriniñ muayyen imtiyazlarnı almaları içün.

 

“Veteranlarnı eybetlemek – bizim orta borcumızdır”, – dep İrına Vereşçuk qayd etti.