Çernivtsi vilâyetine iş seyaatı vaqtında vitse baş nazir İrına Vereşçuk, Çernivtsi vilâyet arbiy memuriyetiniñ uzurındaki Vatandaşlarnı destek idare merkeziniñ keñişletilgen oturışına qatıldı.

Oturışnıñ iştirakçileriniñ haber bergenlerine köre, mayıs ayında Çernivtsi şeerinde Veteran Hub, yani veteranlarnıñ başqa mobilizatsiyadan qaytacaq askerlerge içtimaiy yaşayışqa adaptatsiya olmağa yardım etecekleri merkez açılacaq.

Bundan ğayrı, 2024 senesiniñ soñuna qadar Çernivtsi vilâyetinde 8 böyle merkez açılmalı. BMTnıñ İnkişaf programmasınıñ (BMTİP) desteginen olar abadanlaştırılacaq.

Şu adan vilâyette veteranlar içün VAMniñ uzurında Veteran siyaseti meseleleri idaresi çalışa. O, veteranlarğa arbiy hızmetten içtimaiy yaşayışqa qaytamağa yardım ete.

Anda veteranlar ve ailelerinen iş körüşüvleri keçe. Meseleler baqıla ve çezile.

Bundan ğayrı, Çernivtsi şeerinde Askerler ve aileleriniñ içtimaiy destek ofisi çalışa. Bu Ofisniñ esasında askerler ve aileleri ve bölge akimiyetiniñ vekilleri arasında bağ qurula.