Çiçek ayınıñ 10-unda ülkeniñ Federal şurası maqnbul qarar aldı, dep İsviçre ükümetiniñ matbuat hızmeti bu aqqında haber berdi.

Kelecek bir qaç sene boyunca Federal şura, Ukrainanı tamir etmege yardım etmege ve şahsiy sektornen işdeşligini destek etmege planlaştıra. Böyle maqsatlarğa 5 milliard isviç frankını ayırılmağa planlaştıralar.

Para yavaş-yavaş ayırılacaq. Şu cümleden, 2028 senesine qadar halqara işdeşlik bücetinden 1,5 milliard isviç frankını ayırmağa planlaştıralar.

2029-2036 ss. boyunca Federal şura, daa 3,5 milliard isviç frankını ayıra bilecek (halqara işdeşlikten ğayrı) başqa menbalarnı ögrenmege planlaştıra.

Qayd etildi ki, Ukrainada cenkten zarar körgen insanlarnı destek etmek içün ülke endi tahminen 3 milliard isviç frankını ödedi. İsviçrege köçken ukrainalılarnı destek etmek maqsadınen Migratsiya devlet kâtibi, olardan 2,5 milliardnı ayırdı.