Çiçek ayınıñ 15-17 künleri Ukraina vitse baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk Brüsseldeki ABnin müessiselerine iş seyaatını yaptı.

Ukrainadaki Avropa Birliginiñ Temsiliniñ Facebook saifesinde bu aqqında haber berdiler.

İş seyaatı çerçivesinde Gumanitar meseleler içün cevapkâr yuqarı mebuslarnıñ 4. oturışında iştirak etti. Bundan ğayrı, ABniñ azaları olğan devletlerniñ vekilleri, halqara donorlar, gumanitar teşkilâtlar ve Ukrainanıñ akimiyet organlarınıñ vekilleri oturışqa qatılıp, cenk şartlarında Ukrainadaki gumanitar qarşılıqnıñ semereligini yükseltmek meselesini muzakere ettiler.

Bundan ğayrı, ABniñ Ukrainanıñ gumanitar qarşılıqqa kelecek yardım, ABde vaqtınca qoruma statusını alğan Ukraina vatandaşları, rusiye tarafından qanunsız olaraq sürgün etilge ukrain balalarınıñ aqlarını temin etüv meselelerini muzakere etmek içün Avropa eyyetiniñ vekillerinen eki taraflı oturışlar keçirildi.

Şu cümleden, ABniñ buhran vaziyetkeri meseleleri komissarı Yanez Lenarçiç, ABniñ içeri işler komissarı İlva Yohansson, Avropa eyyetiniñ qomşulıq ve kenişletüv aytışmaları meseleleri baş direktoratınıñ baş müdiri Ğert Yan Koopman, Avropa eyyetiniñ içtimaiy qorçalav ve gumanitar yardım meseleleri baş direktoratınıñ (DG ECHO) baş müdiri Maçey Popovskiy, Avropa Eyyetiniñ demokratiya ve demografiya meselelri vitse prezidentiniñ Kabinetiniñ reberi Kolin Skikluna ve Avropa eyyetiniñ içtimaiy qorçalav ve gumanitar yardım meseleleri baş direktoratınıñ taqımı (DG ECHO) ve halqara donorlarnen oturışlar keçti.

İş seyaatı vaqtında vitse baş nazir ERCC fevqulâde vaziyetlerge qarşılıqniñ idare merkezini de ziyaret etti. Anda ABniñ İçtimaiy qorçalav mehanizmi çerçivesinde Ukrainağa yardımnı acelen üleştirmege temin etüv saasında 24/7 Merkeziniñ işinen tanış oldı.

Bundan ğayrı, memur Ukrainian Voices RF Ukrain merkezini ziyaret etip, Belçikadaki ukrain teşkilâtlarınıñ  ve Ukraina vatandaşlarınen esas meselelerni muzakere etti.

Bundan başqa, İrına vereşçuk Ukrainian Civil Society Hubda Ukrainanıñ qadınlarınıñ avropa birleşmesiniñ vekillerinen körüşti.

AQŞnıñ Devlet departamenti ve USAIDniñ vekillerinen Ukrainadaki gumanitar qarşılıq meseleleri idare oturışı da keçti.

Bundan ğayrı, vitse baş nazir Avropa Parlamentinde “Mariupolda 20 kün” filminiñ açılışında iştirak etti.