İstisali şu vilâyetlerde yerleşken müessiselerniñ tış iqtisadiy faaliyetiniñ meselelerini çezmek içün çalışa.

Vitse baş nazit İrına Vereşçuknıñ başlığınen İşğalden azat etilecek topraqlar meseleleri idare ştabınıñ oturışında bu mesele muzakere etildi.

Mesele, Avropa banklarınıñ Ükümetniñ kontrol etkeni Donetsk, Herson ve Zaporijjâ vilâyetleriniñ mesken yerleriniñ statusını bir manalı olmağan añlamasınen bağlıdır.

Bu sebepten ukrain şirketleriniñ maliyeviy operatsiyaları avropa bankları tarafından bloklanalar.

Bu mesele al etmek içün ReNazirligi, Ukraina Nazirler Kabinetiniñ Ükümetniñ kontrolı astında bulunğan ve vaqtınca işğal etilgen topraqlardanı tesbit etüvnen bağlı qararınıñ leyhasını azırladı.

Bundan ğayrı, Avropa ülkelerine yollaması içün ReNazirligi Tış işleri nazirligine mektüp yolladı. Anda Ükümetniñ kontrolı astında bulunğan Donetsk, Zaporijjâ ve Herson vilâyetleriniñ meskün yerleriniñ cedveli qayd etildi.

Bu yardımınen ABniñ resmiy saytında Avropa Eyyetiniñ Maliyeviy istiqrar, maliyeviy hızmetler ve kapital çarşıları meseleleri baş derektorat umumiy tevsiyelerni yayınladı. Anda qayd etildi ki, Zaporijjâ ve Herson şeerleri Ukraina Ükümetiniñ kontrolı astındalardır.

Bundan ğayrı, ReNazirliginiñ taqımı Devam etken (bitken) arbiy areketler ya da vaqtınca işğal etilgen topraqlar cedvelini soñuna işletti. Şu cümleden strukturalaştırılğan bilgiler şeklinde (xlsx) yañı forma kirsetildi.

Yapılğan iş yardımınen Avropa müessiseleri, ABniñ resmiy saytında Ukrainanıñ kontrol etilgen topraqlarınen bağlı malümat ala bilirler.