Birinci hanım Olena Zelenskanıñ teşebbüs etkeni “Nasılsıñ?” Umumiy ukrain ruhiy sağlıq programması çerçivesinde Ternopil şeerinde ruhiy sağlıq merkezi açıldı. Ternopil vilâyet arbiy memuriyeti öz Facebook saifesinde bu aqqında haber berdi.

Tibbiyet hadimleri, mhGAP (Mental Health Gap Action Programme) programmasına binaen oqup bitirdiler. Cian sağlıq teşkilâtı bu programmanı azırladı, ekimler ve başqa tibbiy hadimlerge ameliy tevsiyelerni bere.

Merkezde ruhiyatçılar, içtimaiy hadimler ve reabilitatsiyacılardan ibaret olğan çoq saalı taqımlar çalışalar. Olar ruhiy, psihiatrik, reabilitatsiya ve mesleat yardımını bereler. Ziyaretçiler sanat terapiyasınen hızmet ala, gruppa ve şahsiy psihoterapiya ameliyatını ala bileler.