Şimdiki Bergi qanunnamesine binaen bazı faal arbiy areketler ve vaqtınca işğal etilgen topraqlarındaki ödeyciler bazı bergilerni ödemeye bileler.
Buña baqmadan, faal arbiy areketler topraqlarında bulunğan tüm bergi ödeycilerini qorumaq içün bugün Ükümet Nazirler Kabinetiniñ 2022 s. ilk qış ayınıñ 6. künündeki 1364. qararınıñ 1. noqtasına deñişmelerni destek etti.
Buña köre devlet elektron malümat resurslarınıñ çalışqanı faal arbiy areketler topraqlarında bergi ödeycilerine bergi imtiyazları berilir. Şu cümleden, bu deñişme şu topraqlarda ayrı bergi türlerini saylamayıp ödememege izin bereceker.
ReNazirliginiñ taqımı qararnıñ maqbul leyhasını azırladı.
Çiçek ayınıñ 30. künü faal arbiy areketler topraqları sayılğan aşağıdaki yerlerde devlet elektron malümat resursları çalışa:
- Dnipropetrovsk vilâyeti: Nikopol ş. (Nikopol şeer topraq cemaatı), Çervonoğrığorivka k. (Çervonoğrığorivka qasaba TC) ve başqaları.
- Donetsk vilâyeti: Konstântınivka şeer CT, Lıman şeer CT ve başqaları.
- Zaporijjâ vilâyeti: Preobrajensk köy CT (qısmen) ve başqaları.
- Mıkolayiv vilâyeti: Oçakiv ş. (Oçakiv şeer CT), Kutsurub köy CT.
- Harkiv vilâyeti: Kindraşivka köy CT, Kurılivka köy CT (qısmen) ve başqaları.
- Herson vilâyeti: Herson şeer CT, Bilozerka qasaba CT ve başqaları.
Bundan ğayrı, destek etilgen akt, mümkün olacaq arbiy areketler topraqlarındaki taşınılmaz mülk obyektine mesken sertifikatını qullanğanda farqlı meselelerni yoq etmege imkân berecek/