“Bala aqları içün ukrain ağı” (BAUA) cemaat birleşmesinen beraber ReNazirligi, üç oğlan qardaşqa Ukraina Ükümetiniñ kontrol etkeni topraqlarğa qaytmağa yardım etti.

Tolu miqyaslı tecavuz başlağan vaqıt 9 yaşındaki Ğlib, 13 yaşındaki Yehor ve 20 yaşındaki ağası Mıkıta Herson vilâyetiniñ işğal etilgen köyünde yaşağan ediler. Oğlanlar babasız büyüdiler, keçenlerde ise anası vefat etti.

İşğal, aq ve azatlarnıñ yoqlığı olarğa uyğun olmağanını añlap, birden göñülliler, ReNazirligi ve BAUAğa yardımğa hitap ettiler.

Şu anda olar Ükümetniñ kontrol etkeni ukrain toprağındalardır. Olarnı ilk kerekli eşyalar ve aşaytnen temin ettiler. Bundan ğayrı, oğlanlar içtimaiy destek ve ruhiy yardım alalar.

BAUAnıñ azası “SOS Ukrainanıñ Bala şeerçikleri” teşkilâtı ise qardaşlar içün mesken azırladı.

Hatırlatamız ki, vaqtınca işğal etilgen ya da rusiye topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13. Bundan ğayrı, Milliy malümat bürosınıñ sıcaq hattına – 16-48 ya da ReNazirliginiñ sıcaq hattına – 1548 telefon etmek mümkün.