Hastahanelerde veteranlar ve askerler bedava tiş prozetleştirüv hızmetini ala bileler. Ükümet portalı bu aqqında haber berdi.
Qayd etemiz ki, Ükümet bedava tiş protezleri programmasına 750 million grivna ayırdı.
Arbiy areketler iştirakçileri, cenk neticesinde saqatlı olğan insanlar ve askerler böyle hızmet bedava ala bileler.
Şu anda Ukrainanıñ 45 tibbiy müessisesinde böyle hızmet almaq mümkün.
Bir senede bir kere böyle hızmet almaq mümkün, amma tedaviylev planında qayd etilse, ekimden bir yönelişname çerçivesinde bir qaç tiş protezleştirile bilir.
Berilecek tibbiy hızmetlerniñ fiyatı 14 984 grivnadan daa çoq olmamalı.
Hızmet nasıl almaq mümkün?
- Birinciden tişçiden yönelişname almaq kerek.
- Deñev leyhasınıñ iştirakçileri cedveline kirsetilgen tibbiy müessisege hitap etmek kerek. 16-77 nomerasına telefon etip, tibbiy müessiselerniñ adresleri ve nomeralarını ögrenmek mümkün.
- Tibbiy müessisede ariza toldurmaq kerek.
- Vesiqalarnen kopiyalarını köstermek kerek.
Bağlantığa basıp, Ukraina Milliy Sağlıq Hızmetiniñ saytında vesiqalar ve hızmetler cedvelinen tafsilâtlıca tanış olmaq mümkün.