Ukraina Prezidentiniñ uzurındaki Yerli ve bölge akimiyetlerniñ kongressiniñ faaliyeti çerçivesinde tedbir keçe.

 

Bugün mayıs ayınıñ 9. künü Sammitniñ iştirakçilerine Ukraina Prezidenti Volodımır Zelenskıy hayırlı söz ayttı. Ukraina Yuqarı Şurasınıñ başı Ruslan Stefnçuk, Ukraina Prezidentiniñ Ofisiniñ reberi, Ukraina Prezidentiniñ uzurındaki Yerli ve bölge akimiyetlerniñ kongressiniñ başı Andriy Yermak, Ukraina baş naziri Denıs Şmuğal da iştirak ettiler.

 

Bundan ğayrı, tedbirde Avropa ülkeleri ve AQŞnıñ vekilleri, halqara ve cemaat teşkilâtları, ukrain topraq cemaatlarınıñ vekilleri iştirak ettiler.

 

Sammitniñ programmasında mevzulı panel munaqaşalar qayd etildi. Vitse baş nazir ‒ Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, “Devlet içinde alınğan kişiler: gumanitar çağıruv” mevzulı munaqaşnıñ idarecisi olacaq.

 

Bundan ğayrı, tedbirniñ programması çerçivesinde aşağıdaki mevzular muzakere etilecek:

 

• “Cenk vaqtında ve cenkten soñ devirde cemaatlarnıñ yañıdan qurulması ve inkişafı”.

 

• “Ukrainanıñ avropa integratsiyası: bölge ceetinden muvafaqiyetleri, çağıruvları ve istiqballeri”.

 

• «Cenk fedalarınıñ reabilitatsiyası: tibbiy, ruhiy ve içtimaiy tarafları”.

 

Bundan başqa, ukrain ve ecnebiy şeerler, bölgeler ve teşkilâlar arasından işdeşlik añlaşmalarınıñ imzalanması beklenilir. Ukrainanıñ tibbiy müessiseleriniñ ortağı olğan ülkelernen halqara tibbiy işdeşligi aqqında memorandumlarnıñ ortağa çıqarılması da beklenilir.

 

Olacaq Ekinci Halqara Şeerler ve bölgeler sammitiniñ neticelerine köre beyanname qabul olunacaq.