Onıñ adı “Svit” (“Dünya”). Anda devlet içinde alınğan kişiler ve cenkten zarar körgen insanlarğa bedava uquqiy mesleatlar, ruhiy destek bereler, olarnıñ para yardımını almaları içün insanlarnı qayd ettireler. BMTnıñ Qaçaqlar meseleleri Yuqarı komissarınıñ İdaresi bu aqqında haber berdi.

Bundan ğayrı, anda insanlar yerli akimiyetten memuriy ve içtimaiy-uquqiy hızmetlerni ala, işnen mesleat ta ala bileler.

“Tek pencere” printsipi çerçivesinde boşluq çalışa. Yani devlet içinde alınğan kişilerge yardım etmek içün bir yerde belediye hızmetleri, iş merkeziniñ işçileri, halqara teşkilâtlarnıñ vekilleri, ruhiyatçılar ve uquqçılar çalışacaqlar.

Bundan başqa, mahsus odada treningler, gruppa mesleatları ve seminarlar olacaq. Maqsadı – DAKniñ yañı cemaatqa adaptatsiyasını destek etmek ve yañı bağlarnı qurmalarına yardım etmektir.

Harkiv şeeriniñ başı İhor Terehov öz Telegram kanalına tafsilâtlıca añlattı ki, yaqın kelecekte anda zenaatqa azırlayıcı kurslar olacaq. Anda insanlarnı Harkiv iş bericileri arasında eñ rağbetli zenaatlarğa azırlaycaqlar.

Adaptatsiya boşluğınıñ adresi: Harkiv ş., Serpova sq., 4-b.

Çalışma saatleri: Bazarertesi – Cumaaqşamı, 09:00 – 18:00. Cuma künü boşluq 09:00 – 17:00 saatleri çalışa.