Harkiv VAMniñ başı Oleh Sıneğubov öz Telegram kanalında bu aqqında haber berdi.

Onıñ sözlerine köre, duşman Vovçansk, Lınkı ve şimaliy sıñırğa yaqın bütün meskün yerlerge muntazam tarzda ateş aça. Tınç yaşağan vatandaşlar arasında yaralanğanlar bar.

Buña köre, tınç yaşağan vatandaşlarnı tahliye etmege devam eteler. Yerlerde akimiyet, vilâyet İdare gumanitar merkeziniñ göñüllileri, polis ve FVDHniñ ğayretlerinen eki kün devamında eñ az 4000 insan tahliye etildi.

Harkiv VAMniñ başı, qaraman işi içün er keske teşekkür bildirdi. Bundan ğayrı, ayatını qorumağa ve duşman tarafından ateşke oğrağan topraqlardan köçmege çağırdı.

Hatırlatamız ki, tahliye olunmaq içün 24 saat devamında ve bedava şekilde şu nomerağa telefon etiñiz: 0 800 339 291.