Soñ bilgilerge köre, Yañıdan quruv siciliniñ malümat-kommunikatsiya platformasında nazmetlerniñ 2475 anketası endi qayd etildi. Olardan 2265 vatandaş devlet hızmetleriniñ hadimleriniñ yedegine qatıldı, bu toldurulıp yollanğan anketalarnıñ umumiy sayısından 91,5%dir. Milliy devlet hızmeti meseleleri agentliginiñ (MDHA) Facebook saifesinde bu aqqında haber berdiler.

 

Şu cümleden, namzetlerniñ çoqusı erkekler. Olar 1380 anketanı (56,5%), qadınlar ise 1076 anketanı (43,5%) yolladı.

 

Namzetlerniñ orta yaşı – 32-48.

 

Bölge prioritetine köre, eñ çoq namzet Qırım MC ve Aqyar şeeri (77,2%), Donetsk vilâyeti (26,1%), Zaporijjâ ve Herson vilâyetleri (22,3er %) ve Mıkolayiv vilâyetinde (16,1%) çalışmağa istey.

 

Teklif etilgen iş yönelişleri arasında eñ rağbetli olğan:

 

1) memuriy reberlik (50%);

 

2) devlet nezareti ve kontrolı (35%);

 

3) memuriyetçilik ve halq ögündeki hızmetler (23%);

 

4) qabarcılıqnı evelden yoq etüv (21%);

 

5) hadimler idareceligi (19%).

 

İşğalden azat etilecek topraqlarnı yañıdan qurmağa qatılmağa isteseñiz, kerekli tasilge saip olsañız, bağlantığa basıp, sistemada qayd etiñiz ve anketa toldurıñız.

 

Hatırlatamız ki, ReNazirligi ve DHMA, leyhanıñ idarecileridir.