Vitse baş nazir İrına Vereşçuk, “Qırım içün” sanat sergisiniñ açılışında iştirak etti.

 

O, Qırımtatar halqınıñ genıtsid fedalarınıñ hatıra kününiñ 80. seneligine bağışlandı ve Ukraina Prezidentiniñ Qırım Muhtar Cumhuriyetindeki Temsilinde açıldı.

 

Serginiñ açılışında irına Vereşçuk qırımtatar halqınıñ lideri Mustafa Cemilev, Qırımtatar Milliy Meclisiniñ başı Refat Çubarov ve bu tedbirni teşkil etmege yardım etken er keske teşekkür bildirdi.

 

«Bizge 80 sene evel sürgün etilgen qırımtatarlar, Ukrainanıñ mustaligi içün küreşken qartanalarımız ve qartbabalarımız ve ülkemizni qorçalağan şimdiki askerlerniñ ikâyeleri kösterile», – dep memur qayd etti.

 

Vitse baş nazir ümüt bildirdi ki, dünya cemaatı rusiyeni mesüliyetke çekecek. Tamam rusiye, qırımtatar halqınıñ sürgünliginde ve millionlarca ukrainlını öldürmekte qabaatlıdır

 

«Biz qarar almalımız ki, biz – merkezleşken demokratik ükümetler ve ülkelermiz, BMT, AB ve NATOnıñ azalarımız, halqara gumanitar uquqnen bağlı tüm beyannamelerni imzalamalımız, rusiye ve iç dünya diktatorınıñ mesüliyetke çekmeye bilecegini tüşünmemesi içün er şey yapmağa azırmız», – dep İrına Vereşçuk qayd etti.

 

Memur bütün qırımtatar halqı ve işğalcilerge muqavemet köstergen er keske teşekkür bildirdi: «Ğalebe qazanacağımıznı bilem. Amma bütün dünya, bunı nasıl yapqanımıznı añlamalı».