Bizim ikâyemiz, grant alıp Lutsk şeerinde öz qavehanesini açqan Mariupolı Krıstına Ğuseva aqqındadır. “yeİş” grant leyhasında iştirak etip, devletten 20 biñ grivna aldı.

Tolu miqyaslı tecavuz başlamadan evel, Krıstına aqayınen Mariupol şeerinde yaşağan edi. Öz qavehanesini açmağa hayal etken ediler. Amma arbiy areketler başlağan soñ er şeyni terk etip köçmege mecbur qaldılar.

Cenkniñ ilk künleri Krıstınanıñ aqayı USQe göñülli olaraq cenkleşmege ketti. Qızınen beraber o, Volınğa köçip keldi. Anda hayal etkeni qavehaneni açmağa tırışmağa qarar aldı.

Onıñ sözlerine köre, devlet programmasında işitrak etmek, yañı yerde öz işini başlatmaqnıñ tek çaresi edi. Alğanı paranen Krıstına öz hayalini yerine ketire bildi. Şu anda öz biznesini inkişaf ettirmege devam ete. Bundan ğayrı, programmanıñ şartlarına köre qadın, iş yerlerini yarattı ve işçilerni işke aldı.