Bu sene veteranlar ve aileleri içün sekizinci kere grant arizaları berildi. Em öz biznesini başlatmaq ya da inkişaf ettirmek içün umumen 34 million grivna alacaq 71 ğalip saylandı. Ükümet portalı bu aqqında haber berdi.

Ğalipler arasında 41 arbiy areketler iştirakçisi ve veteranlarnıñ aileleriniñ 30 azası. 53 ğalip, 500 biñ grn, 13 ğalip — 250 biñ grn, 5 insan ise — 1 mln grn grant aldı.

Eñ çoq ğalip Lviv, Kıyiv, Jıtomır, Vinnıtsâ, Rivne vilâyetleri ve Kıyiv şeerindendir.

Grant alğanlar öz biznesini böyle saalarda inkişaf ettirmege planlaştıralar: kötere ve bir eşyalıq ticareti, vaqtınca yerleştirüv ve aşamanı teşkil etüv, köy hocalığı ve başqa hızmetlerni berüv.

Umumen “Öz işi” programmasınıñ veteran leyhası çalışmağa başlağan berli endi 623 veteran ve arbiy areketler iştirakçileriniñ azası ğalip saylandı. Olarnıñ biznesine devlet 280 million grivna yatırım etti.

Bağlantığa basıp, biznes-plannen ariza bermek mümkün.