Nazirler Kabinetiniñ binasında vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk ve İçtimaiy siyaset naziri Oksana jolnovıçnıñ başlığınen oturış keçti.

 

Nezaret şurasınıñ azaları, içtimaiy astyapını yañıdan qurucı ve inkişaf ettirici leyhalarnı yerine ketirüv ceryanını muzakere ettiler.

 

Yañıdan quruv içün kredit müessisesinden (KfW) Almaniya Federal iqtisadiy işdeşlik ve inkişaf nazirliginiñ (BMZ) desteginen ve ReNazirliginiñ yardımınen Ukrain içtimaiy yatırımlar fondı (UİYF) leyhalarnı yereine ketire.

 

Şu cümleden, oturışnıñ iştirakçileri aşağıdaki mevzunen bağlı malümat diñlediler:

 

– 2023 senesi tamir etilgen tibbiyet müessiseleriniñ sıñırsızlıq auditini keçirüv.

 

– Perşotravnevsk, Pavloğras, Sınelnıkove (Dnipropetrovsk vilâyeti) ve Verhnâ Tersada (Zaporijjâ vilâyeti) yerleşken acele yardım müssiseleri obyektlerinde qurucılıq işleriniñ çalışma grafigi.

 

– Odesa ve Ternopil vilâyetleriniñ tesbit etilgen cemaatlarında tasil-pedagogik hızmetlerni bermeleri içün maarif cihazları, oyunlar içün cihazlar, sport ve reabilitatsiya cihazları, bala mefruşatını aluv ve berüv.

 

– Tamir etilecek 6 tibbiy müessiselerniñ sığınaqlarını abadanlaştıruv.