“SOS Bala Şeerçikleri” hayriye fondunıñ yardımınen Volın vilâyetinde üç ay devamında balalarnen birinci 17 aile bulunacaq. Bu devirde ailelerge telükesiz topraqlarda qalmaları içün imkânlarnı teklif etecekler.

 

“Ukrzaliznıtsâ” AT, BMTnıñ Bala fondu (UNICEF) ve “Er balağa” ortaqlığı, ailelerni raatlıq yerlerine alıp ketirmege yardım ettiler.

 

UNICEF ve ortaqları, er bir aileni şahsen qıymetlendirdiler ve oña esaslanaraq devlet içinde alınğan er bir kişige 10 800 grivnalıq maliyeviy yardım, aşayt ve gigyena eşyaları, ruhiy ve içtimaiy destek berecekler.

 

Böylece, 75 insan telükesiz bölgege tahliye etildi, olardan 50-si balalar. Volınğa ketecek soñ içtimay hızmetler olarnı ozğaracaq. Ortaqları, şu cümleden UNİCEF, SOS “Bala şeerçikleri”, “Çoqraq” ve başqaları, balalar ve aileleriniñ varlığını temin etmek içün olarnı destek etmege devam etmege azırlar.

 

Qayd etemiz ki, aile türlü bala evleri, vasiy etken ailelerniñ tahliyesi, vitse baş nazir İrına Vereşçuknıñ başlığınen Harkiv vilâyetinde gumanitar qarşılıq oturışında muzakere etildi.

 

Umumen “SOS Bala şeerçikleri” HF, böyle ailelerni Ukrainanıñ telükesiz bölgelerine tahliye etmek içün 36 million grivna ayırdı.

 

«Balalarnı cebege yaqın topraqlardan tahliye etmege yardım etken ortaqlarımızğa teşekkür bildirem. Er bir ukrain balası telükesizlikte olmalı», — vitse baş nazir hulâsa çıqardı.