“İşğalden açıq demokratik idarecilikke” konferentsiyasında vitse baş nazir İrına Vereşçuk bunı qayd etti. Şu könferentsiya mayıs ayınıñ 28. künü Kıyiv şeerinde keçti.

Memur devlet siyaseti ve işğalden azat etilecek soñ institutsiya ceetinden topraqlarnı yañıdan quruvnen bağlı olğan panel munaqaşalarında iştirak etti.

“Donbasnıñ institutsiya ceetinde yañıdan qurulışınıñ mevzulı ve uquqiy saalarınıñ şekillenüvi” leyhası çerçivesinde konferentsiya keçirildi. Ukraina Prezidenti ve Yañıdan quruv nazirliginiñ uzurındaki Yerli ve bölge akimiyetleriniñ kongresinen işdeşliginde Açıq Ükümetniñ Cian Aftası çerçivesinde tedbir keçti.

İrına Vereşçuk iştirakçilerge hatırlattı ki, ReNazirliginiñ taqımı, 2026 senesine qadar İşğalden azat etilecek topraqlarğa (İAET) devlet akimiyetini qaytaruv ve ealisiniñ reintegratsiya strategiyası ve 2024-2026 ss. onı yerine ketirici tedbirlerniñ ameliy planını azırlap çıqardı.

O, vesiqanı azırlamağa qatılğan menfaatlı devlet organları ve cemaat sektorınıñ vekillerine teşekkür bildirdi. Beklenilir ki, bu seneniñ bozarğan ayınıñ soñuna qadar o qabul etilir.

Bundan ğayrı, ReNazirliginiñ uzurında İşğalden azat etilecek topraqlar meseleleri idare ştabı teşkil etildi. Onıñ esas vazifeleri arasında icra akimiyetiniñ merkeziy organlarınıñ biri-birinen ve yerli öz-özüni idare etici organlarnen faaliyetini idare etmek, kerekli malümatnen paylaşmaq, cemaatnen kommunikatsiya etmek ve İAETdaki meselelerni acelen çezmek içün mütehassıslarnı bu ceryanğa çağırmaqtır.

ReNazirliginiñ başı qayd etti ki, muayyen bir devirde işğalden azat etilecek topraqlarda keçici uquq qullanıla bilir.

«Keçici devirde İAETda açıq-aydın idare etici devlet vertikalı olmalı. Bizge merkezleştirilgen kontrol etilgen sistema kerek, o vaqıt qararlar açıq-aydın ve tezce alınır», – İrına Vereşçuk qayd etti.

Bundan ğayrı, konferentsiyanıñ iştirakçileri aşağıdaki mevzularnı muzakere ettiler:

• Donetsk ve Luhansk vilâyetleri işğalden azat etilecek soñ olarnı institutsiya ceetinden qurulışı ve çağıruvlarınıñ kompleksli araştırılmasınıñ esas noqtaları;
• İAETnıñ institutsyalı yañıdan qurulışı;
• yañıdan quruv içün ortaqlıqqa akimiyet ve cemaatnıñ nazaq noqtaları.

«Endi bugün bu kibi meseleler aqqında laf etmege başlamalımız! Çünki ne içün cenkleşemiz? Men er vaqıt bölgelerniñ menfaatını qoruyım. Şu cümleden, Luhansk, Donetsk ve Herson vilâyetleriniñ menfaatını. Biz mıtlaqa o yerge qaytacaqmız, men buña can-yürekten inanam», – vitse baş nazir hulâsa çıqardı.