Bozarğan aynıñ 5. künü Ükümetniñ binasında merasim keçti.

Vitse baş nazir İrına Vereşçuk ve Ukrain cemaat teşkilâtlarınıñ birlşemesiniñ azaları vesiqanı imzaladılar.

Bundan ğayrı, BMTnıñ Ukrainadaki Sistemasınıñ idarecisi Deniz Braun, Ukrainadaki Avropa içtimaiy qorçalav ve gumanitar yardım meseleleeri eyyetiniñ Baş müdirliginiñ Ofisiniñ başı Klaudiya Amaral, elçiliklerniñ vekilleri iştirak ettiler.

Memorandumnıñ maqsadı – yerli liderlikni quvetlendirmek, ukrain cemaatınıñ halqara gumanitar qarşılıq, sistemasında rolüniñ müimligini arttırmaq, gumanitar buhranlarınıñ menfiy neticelerini yoq etmek ve Ukrainanı semerelice yañıdan qurmaq içün temel qoymaqtır.

“Ukrainanı semerelice yañıdan qurmaq içün temel qoyuv ve gumanitar burhanlarğa qarşılıq saasında yerli liderlikni temin etüv strategiyası” çerçivesindeki işdeşlik aqqında laf etemiz.

İşdeşlikniñ esas yönelişleri – gumanitar qarşılıq saasında institutsiya, qaide çıqarıcı ve advokatlıq işidir.

«Bu Memorandumnı imzalap, cemaatnıñ devletnen Ukrainada gumanitar qarşılıq aqqında işdeşligi quvetlenecek. Bundan ğayrı o, cenkten zarar körgen ealini semerelice ve tezce destek etmek içün kerekli olğan lokallaştıruvğa yol açacaq. Beraber daa çoq şey yapa bilemiz», – İrına Vereşçuk qayd etti.

Birleşmeniñ 16 teşkilâtı Memorandumnı imzaladı: “İmaye aqqı” hayriye fondu; “Yerli filantropiyalarnıñ milliy inkişaf ağı” hayriye teşkilâtı; “Helping to Leave” cemaat teşkilâtı; “Philanthropy in Ukraine” cemaat teşkilâtı; Ukraina Qızıl Haç Teşkilâtı; “Proliska” cemaat teşkilâtı; “SHİD-SOS” HF” hayriye teşkilâtı; “Devlet olmağan teşkilâtlarnıñ maaliy merkezi” cemaat teşkilâtı; “Şarqiy Avropa Fondu” halqara hayriye teşkilâtı; “Cesür” Hayriye fondu” hayriye teşkilâtı; “Karitas Ukraina” Halqara hayriye fondu; “Seniñ destegiñ” Hayriye fondu; “ISAR Birlik” cemaat teşkilâtı; “Qızlar” cemaat teşkilâtı; “Ukrain Tasil Platforması” hayriye teşkilâtı; “QIRIMSOS” cemaat teşkilâtı.