Vitse baş nazir İrına Vereşçuk, “Veteran boşluğı” Vinnıtsâ analitika-maarif merkezini ziyaret etti.

Merkez veteranlar, askerler, aileleriniñ azaları, ölgen ve habersiz ğayıp olğanlarnıñ ailelerine ruhiy ve uquqiy yardım ete, içtimaiy hızmetlerni bere.

Teşkilât, Ukrainada 24 teşkilâttan ibaret olğan Veteran boşluqlarınıñ birleşmesine aittir. Veteranlar ve aileleri içün hızmetlerni inkişaf ettirmek maqsadınen birleşme, er vaqıt başqa veteran boşluqlarınen işdeşlik yapa.

Leyhalardan biri çerçivesinde boşluq Ukrnaftadan bir maşna aldı. Bu maşna, veteranlar ve ailelerini destek etmek içün mobil taqımlarnıñ Vinnıtsâ vilâyetiniñ uzaq yerlerine ketmesi içün qullanılacaq.

Bu teşebbüsniñ maqsadı – eñ uzaq yerlerde bile yaşağan veteranlar ve ailelerine keyfiyetli ve ihtisasiy hızmet bermektir. Vesiqalar ve imtiyazlar, içtimaiy kefatetler, uquqiy mesleat, ruhiy-içtimaiy destek ve il. aqqında laf etemiz.

Şu anda böyle mobil taqım, endi 16 cemaatqa yardım ete.