Bu sefer rus işğalinden üç bala qaytarıldı, olardan biri ana-babasınıñ vasiyliginden marum etilgen. “Save Ukraine” hayriye teşkilâtınıñ Facebook saifesinde bu aqqında haber berdiler.

Herson VAMniñ başı Oleksandr Prokudin, Herson vilâyetiniñ vaqtınca işğal etilgen topraqlarından qaytarılğan sekiz yaşındaki oğlannıñ tafsilâtlı ikâyesini öz Telegram kanalında añlattı.

Şimdi ana-babasınen beraber oğlan telükesiz bir yerde buluna. Ailesinen tibbiyetçiler ve ruhiyatçılar çalışalar.

Umumen 2024 senesinden başlap Herson vilâyetiniñ vaqtınca işğal etilgen topraqlarından 108 balanı qaytarmağa becerdiler ve bunıñ üzerinde çalışmağa devam eteler.