Milliy malümat bürosınıñ yolbaşçısı Oleh Kujelev ğayıp olğanlar ve Mariupolnı qorçalağan esir alınğan askerlerniñ tuvğanlarınen körüşüvde iştirak etti. Tedbir Ombudsman Ofisinde olıp keçti.

 

Askerlerniñ tuvğanlarınıñ suallerine devlet organlarınıñ vekilleri cevap berdiler. Ayrıca, cenk esirlerinen munasebet meseleleri idare ştabı, İçki işler nazirligi, Ukraina Havfsızlıq hızmeti, Mudafaa nazirligi, Ukraina Milliy Polisiniñ Baş taqiqat idaresi, Tış işleri nazirligi, Halqara Qızıl Haç Eyyeti ve “Azovstalnıñ Qalbi” teşkilâtınıñ vekilleri.

 

Barışıq sammitinde qapalı panellerde seslengen meseleler ve Ukraina rus askerlerini azat etmek, vatandaşlar ve balalarnı qaytarmaq maqsadınen halqara ortaqlarnı celp etmek içün nasıl çalışqanını muzakere ettiler.

 

Askerlerniñ aileleriniñ azalarınıñ bir sıra sualleri, Rusiye Federatsiyasında tutulğan erkek ve qadınlarnıñ vaziyetine qıymet kesüvnen bağlı edi.

 

Qorçalayıcılarnıñ tuvğanlarına bildirilgeni kibi, Halqara Qızıl Haç Eyyetiniñ vekilleri sıq-sıq tutulğan yerlerge barıp olamay, bunıñ içün ukrain tarafı eki taraftan da mektüp ve poçtalarnı deñiştirmek teşebbüsini azırlay ve yerine keçire.

 

Oleh Kujelev iştirakçilerge hatırlattı ki, Milliy malümat bürosı, ukrainlerniñ esirlikte bulunğanını tasdıqlamaq maqsadınen çeşit menbalardan malümat toplay, şu cümleden: ileride işlenmesi ve malümatnıñ idare ştabına berilmesi içün Halqara Qızıl Haç Eyyeti (HQHE) tarafından doğrudan-doğru tasdıq, esirlikten (sorğu) foto/video, azat etilgenlerniñ şaatlıqları, arbiy qısımlardan bildirmeler, HQHE vastasınen berilgen esirlikten mektüpler.

 

Ayrıca, bu malümatnı Milliy malümat bürosına 16-48 qısqa nomerası (çetelden telefon etmek içün (044) 287-81-65) ya da Telegram ya da Viber çat-botları vastasınen bildirmek mümkün. Ya da [email protected] elektron poçtasına yazıp, Facebook messengerine yazıp ya da saytta online formnı toldurıp bağlanmaq mümkün.