Avropa eyyeti, ecnebiy ülkelerge köçken ukrainalılar içün vaqtınca qoruv statusını 2026 senesi saban ayına qadar uzatmağa planlaştıra. Organnıñ matbuat hızmeti bu aqqında haber berdi. 

Avropa eyyeti qayd etti ki, rusiyeniñ içtimaiy ve kritik astyapqa muntazam ateşleri, vaqtınca qoruv statusınıñ sebepleri de qala. Buña köre statusnıñ müddetini daa bir senege, yani 2025 senesi saban ayınıñ 5. kününden 2026 senesi saban ayınıñ 4. kününe qadar uzatmaq lâzim.

Böyle qarar, ABniñ ülkelerinde rusiyeniñ tecavuzından qaçqan er keske böyle qoruv statusını bermege yönelgendir.

Vaqtınca qoruv qararı, ecnebiy ülkelerge köçken insanlarğa yaşayış, iş çarşısı, ev, içtimaiy, tibbiy ve başqa yardım aqqını bere.

Bu sene bozarğan aynıñ 13. künü olacaq Adliye ve içeri işler meseleleri şurasınıñ oturışında Eyyet nazirlerge vaqtınca qoruv statusınıñ müddetini uzatuv aqqında teklifni taqdim etecek. Bundan soñ Şura, maqbul qararnı resmen alacaq.