“Şu anda halqara teşkilâtlar ve halqara uquq faydasızlar. Olar, ruslar tarafında hırsızlanğan balalarımıznı qaytaramazlar. Ruslarnıñ tsinik areketleriniñ sebebi – cinayetleri içün mesüliyetsizliktir. Biz ğalebe qazanacaq soñ halqara gumanitar uquqnı temelinden deñiştermek kerek olacaq. Ayrıca, balalar qoruvınen bağlı deñişmeler kirsetilmeli”, – ICTV telekanalınıñ canlı yayınında vitse baş nazir İrına Vereşçuk bunı bildirdi.

Vitse baş nazir, Ukrainada halqara gumanitar uquqnıñ (HGU) qaidelerini qullanuv ve yerine ketirüv meseleleri müesssielerarası eyyetiniñ başıdır.

«Gumanitar yardım saasında halqara teşkilâtlar yahşı yardım eteker. Balalar, esir etilgenlerni qaytaruv ya da gumanitar koridorlarnı quruv ve ilâhre meseleleri peyda olğanda yazıq ki, olar mezkür saalarda faydasız», – İrına Vereşçuk añlattı.

Onıñ sözlerine köre, ruslarnıñ HGUnı halq ögünde ve açıq şekilde bozğanları ve aynı zamanda BMTnıñ Havfsızlıq şurasınıñ oturışlarında söz aytqanları vaziyet olmaz.

Vitse baş nazir qayd etti ki, rusiye halqara cemaattqan sürgün etilgen ve qanunsız olaraq ketirilgen ukrain balalarınıñ cedvelini alâ daa gizley. Keçenlerde ukrain balalarını ruslarğa vasiy etmege gizlen teklif etkenlerine baqmadan, şimdi bunı halq ögünde qorqmayıp, bunı yamalar.

«Buñıñ içün biz daa bir kere dünya cemaatına muracaat ettemiz. Yazıq ki, halqara uquq ve halqara teşkilâtlar, ukrain balalarını kerekli şekilde qorup olamazlar. Bütün halqara mehanizm yañartılmalı», – İrına Vereşçuk qayd etti.