Tedbirde Veteranlar meseleleri naziriniñ vazifesini vaqtınca yapqan Oleksandr Porhun, Çerkası VAMniñ reberi İhor Taburets, vilâyet şurasınıñ başı Anatoliy Pidğornıy, Sınodal arbiy dinciler idaresiniñ başı Vladık İoan, halqara, hayriye teşkilâtlar ve cemaatnıñ vekilleri iştirak ettiler.

 

Çerkası vilâyetindeki veteran siyasetini muzakere ettiler.

 

«Tedbirniñ neticelerine köre, muayyen meselelerni al etmek içün biz olarnı çezüv usullarını tüşünip çıqarmalımız», — İrına Vereşçuk qayd etti.

 

İştirakçileri, cemaatta veteran işine diqqat celp etti. Şu cümleden, veteranlarnıñ reabilitatsiyası, mesken berüv, olarnı ögretüv ve olarğa iş berüv meselelerine diqqat ayırıldı. Bunı yapmaq içün veteranlarnıñ ihtisasiy içtimaiy ozğaruvı kerek.

 

Bundan ğayrı, veteranlar ve ailelerinen, ayrıca ölgen askerlerniñ ailelerinen işdeşligi saasında TSK ve SPniñ işini yahşılaştırması aqqında subet ettiler. Bundan başqa, veteranlar içün Memuriy hızmetler merkezleriniñ uzurındaki “Tek pencere” leyhası, veteranlar ve mobilizatsiyadan qaytqan insanlarnı ozğaruv saasında mütehassıslarnı ihtisasen ögretüvni muzakere ettiler.

 

Veteranlarnıñ reintegratsiyası ve ailelerine yardım etmek içün semereli alet olğan Veteran boşluqlarını yaratuv meselesine de diqqat celp ettiler. Bazı cemaatta olar endi muvafaqiyetnen çalışalar.

 

İştirakçiler, hususan cemaat ve oquv yurtları seviyelerinde veteranlarnı qaramanlaştıruv ve ölgen askerlerni ürmetnen añma mevzusına diqqat ayrıca celp ettiler.

 

«Veteran siyasetiniñ muvafaqiyetli uyğulanması, siznen nasıl çalışqanımızğa ve cemaatta veteran işlerini yapqanımızğa bağlıdır. Künlik sistemalı iş», — vitse baş nazir qayd etti.