Vitse baş nazir İrına Vereşçuk tedbirde iştirak etip, hayırlav sözüni ayttı.

 

USAID desteginen Ukraina Yuqarı Şurasınıñ rusiyeniñ tecavuzından zarar körgen ve DAKniñ aqlarını qorçalav meseleleri muvaqqat mahsus eyyeti konferentsiyanı teşkil etti.

 

Tedbirniñ maqsadı – devlet ve halqara ortaqlarınıñ ğayretlerini birleştirip, DAKlerge maliyeviy destekni celp etmektir. Halqara migratsiya teşkilâtınıñ malümatına köre, şimdi bu, olarnıñ eñ büyük ihtiyaclarıdır.

 

Vitse baş nazir, teşkilâtçılar ve tedbir iştirakçilerine şahsiy motivatsiyası ve devlet içinde alınğanlarğa qol tutmaq içün büyük isse qoşqanları içün teşekkür bildirdi.

 

O, halqara ortaqlar ve donorlarnıñ işançlı destegini qayd etti. Şu cümleden USAID, WFP, IOM, UNHCR, UNICEF ve ilâhre. Mezkür teşkilâtlarnıñ yardımınen ukrainalılar büyük istilâ vaqtından berli 2 milliard dollarlıq yardım aldılar. Bu paralarnıñ yarısı DAKge üleştirildi.

 

Para yardımı – tez, sade ve çevik bir gumanitar qarşılıq vastasıdır. Onıñ içün o, pek semereli, dep İrına Vereşçuk qayd etti.

 

«Bu sene 625 million dollarnı, zayıf insanlarımızğa berilgen para olaraq ayırılğanını bilem. Böyle programmalarnı devam etmege rica etem”, – dep ReNazirliginiñ başı qayd etti.