Vitse baş nazir İrına Vereşçuk, polonsitan İnkişaf ve tehnologiyalar naziri Kşıştofor Paşıknen körüşti. Eki memur, Ukraina-Poloniya müessiselerarası iqtisadiy eyyetiniñ başlarıdır. 

Körüşüvde, muhtemel Poloniya-Ukraina iqtisadiy leyhalarınıñ ömürge keçirilmesi vaqtında peyda olğan meselelerniñ çezilüv yolları muzakere etildi.

Ayrıca, Poloniyanıñ sıñır astyapısınıñ ve Ukrainanıñ ğayrıdan quruvına yatırımları baqıldı.

İrına Vereşçuk, Poloniya yatırım ve ticaret agentliginiñ (PAIH) semereli işini qayd etti. Agentlik 2022 senesiniñ arman ayından başlap, Ukrainanıñ ğayrıdan tiklenüvinde iştirak etmek istegen Poloniya şirketleriniñ cedvelini alıp bara. Oña endi 3 biñ Poloniya şirketi kirdi.

Aynı zamanda Poloniya Cumhuriyetiniñ inkişaf ve tehnologiyalar naziri Kşıştof Paşık, Poloniya tarafı işbirlik tecribesini muvafaqiyetli sayğanını ve memleketlerniñ ükümetleri arasında muntazam ve semereli subetni devam etmege niyetlengenini qayd etti.

«Böyle idarecilik ve işbirlik içün Poloniya ükümetine teşekkürler bildirem. Men, kerçekten de, memnünim ki, biz bunı devam ete bilemiz ve yahşı neticelerge irişe bilemiz», – dep vitse baş nazir hulâsa çıqardı.