Üçünci Ukraina-Poloniya Ukrainanı yañıdan quruv forumı “İntegratsiya – İqtisadiyat – İşdeşlik” başlandı.

 

Tedbirde Ukraina-Poloniya müessiselerarası iqtisadiy eyyetininiñ başlarından biri olğan vitse baş nazir İrına Vereşçuk, Veteranlar meseleleri naziriniñ vazifelerini vaqtınca yapqan Oleksandr Porhun, Poloniya Cumhuriyeti İnkişaf ve tehnologiyalar naziri Kşıştof Paşık, Ukrainanen işdeşlik mesekekeri şurasınıñ başı Pavel Koval, Poloniya yatırımlar ve ticaret agentliginiñ idaresiniñ başı Ancey Dıha ve başqaları iştirak ettiler.

 

Poloniya yatırım ve ticaret agentligi (PAIH), Poloniya Cumhuriyeti İnkişaf ve tehnologiyalar nazirligi, Poloniya-Ukraina hocalıq palatası ve Poloniya Milliy hocalıq palatası forumnı teşkil etti. ReNazirligi ve Poloniya Cumhuriyeti Elçiligi, strategik ortaqlarıdır.

 

Tedbirde Ukrainanı yañıdan qurmaq içün yatırımlarğa dair orta ukrain-polon leyahlarını muzakere ettiler.

 

«Ukraina halqı ve Ükümetiniñ adından Poloniya halqına büyük ürmet ve sayğı sözlerimni bildirmege isteyim. Bizge büyük istilânıñ başında qol tutqanıñız içün. Bizge beraber ğalebe qazanmaq içün yapqan ve yapacaq er şeyimiz içün», – dep İrına Vereşçuk qayd etti.

 

Forumda Poloniya yatırım ve ticaret agentliginiñ (PAIH), Ukraina Ticaret-sanayı palatası ve Ukraina sanayıcılar ve iş adamlarınıñ birligi arasında işbirlik aqqında eki Memorandum imzalandı.

 

«Poloniya ükümetine sistematik iş içün teşekkürler bildirem. Çünki Poloniya er kesten ziyade telükesizlik ne olğanını añlay. Umumiy em energetik, em iqtisadiy, em de, elbette, arbiy telükesizligimiz içün yatırım yapmaq ne qadar müimdir», – dep vitse baş nazir qayd etti.

 

Onıñ sözlerine köre, aynı zamanda biz öz iqtisadiyatımıznı deñiştirmelimiz ve qanunlarımıznı Avropa boşluğına uyğunlaştırmalımız.

 

«Poloniyanıñ yardımı ve Poloniyanıñ tecribesine işanamız», – dep İrına Vereşçuk qayd etti.