Vitse baş nazir İrına Vereşçuknıñ başlığınen Donetsk vilâyetinde gumanitar ihtiyaclarnen bağlı oturış keçirildi.

 

İştirakçiler, bu bölgeni küz-qış mevsimine azırlamaq içün çeşit meselelerni muzakere ettiler.

 

Kün tertibindeki meseleler arasında – bu cebege yaqın topraqlarnıñ kritik astyapı obyektleriniñ yedek elektrik teminat menbalarınen donatılmasıdır. Ayrıca, birleşken energiya aletleri, dizel generatorları ve ilâhrenen temin etüv.

 

Bundan ğayrı, Donetsk vilâyetinde suv teminatınıñ keyfiyetini yahşılaştırmaq içün kerekli tedbirlerniñ keçirilüvi aqqında söz ayttılar.

 

Oturışnıñ neticelerine köre, vitse baş nazir, Donetsk vilâyetinde gumanitar ihtiyaclarnı acelen qanaatlendirmek içün mevcut meselelerni çezmege avale etti.

 

«Bundan soñ, cebede yaşayış teminatı oturışlarını muntazam şekilde keçirecekmiz. Sorayıcılardan böyle gumanitar yardımnıñ talaplarını ve ihtiyaclarını diqqatnen baqmalarını rica etem», – dep memur qayd etti.