Bugün Kıyivde “Cenk vaqtında cemiyet ve göñüllik: semereliligi, çağıruvları ve istiqballeri” forumı keçe.

 

Onıñ iştirakçileri arasında 200-den çoq göñülli, ükümet vekilleri, halq mebusları, Yuqarı Şurasınıñ İnsan aqları vekâletlisiniñ Ofisiniñ vekilleri.

 

İştirakçilerni selâmlap, vitse baş nazir “Ukraina DAK” fraktsiyalararası mebuslıq birleşmesine ve, ayrıca, halq mebusı Serğiy Kozırğa davet içün teşekkürler bildirdi.

 

Cemiyet tarafından göñülli faaliyetniñ desteklenüvi, onıñ yönelişleri (gumanitar, maddiy, tehnikiy, tibbiy, ruhiy), em de halqara teşkilâtlarnen işbirligi muzakere etildi.

 

İrına Vereşçuk “Cemiyet nezareti: cemiyetniñ adalet talapları” paneli çerçivesinde muzakerelerge qoşuldı.

 

Ayrıca, Ukrainanıñ farqlı bölgelerinden köçip kelgenlernen laf etti ve olarnıñ suallerine cevap berdi. Eñ çoq qasevet doğurğan meseleler arasında – mesken paraları, mesken kreditleriniñ irişilebilmesi, Vilâyet arbiy memuriyetleriniñ uzurındaki DAK Şuralarınıñ faaliyeti ve ilâhre.

 

“Bugün bu tedbirde bulunğanıma pek minnetdarım. Mında samimiy ve aileviy müit bar. Köçip kelgen insanlarımızğa, ellerini teslim olmağanları ve er kesnen beraber itibarlı yaşayış ve adalet içün küreşkenleri içün teşekkürler bildirem”, – dep vitse baş nazir qayd etti.