Anda sabıq askerler ve olarnıñ qorantaları içün dava idarecileri çalışacaqlar, olar kerekli hızmetlerni almağa yardım etecekler. Bunı Ukrainadaki AB Temsilciligi bildire.

Merkez, cenkten soñ gruppa dersleri vastasınen veteranlarğa cemiyet ayatına alışmağa yardım etecek. Bu, olarnıñ ruhiy ve içtimaiy adaptatsiyasına yardım etecek kommunikatsiya dersleridir.

Bundan da ğayrı, anda grant ve biznes imkânları boyunca treningler keçirilecek.

Veteranlarğa qol tutqan merkez “Bukovınanıñ itibarı” cemaat teşkilâtı tarafından, Çernivtsi şeer şurasınıñ içtimaiy siyaset bölügi ve Çernivtsi şeeriniñ içtimaiy hızmetler merkezinen işbirlikte, UNDP ve Avropa Birliginiñ desteginen “EU4Recovery – Ukrainada cemiyetlerniñ imkânlarını keñleştirüv” leyhası çerçivesinde teşkil etildi.