Şimdi vaqtınca işğal etilgen topraqlardan Ukraina ükümetiniñ nezaretindeki topraqlarğa qaytmaq içün bir qaç yol bar. Vitse baş nazir İrına Vereşçuk 24 kanalına bergen intervyusında bunı ayttı.

Rusiye topraqlarından keçken yollardan biri – Ukraina-Rusiye sıñırındaki Kolotılovka – Pokrovka keçitidir.

Bundan da ğayrı, Rusiye, Belarusiye – Ukraina-Belarusiye sıñırındaki Mokranı – Domanove keçit noqtasından çıqmaq mümkün.

Vitse baş nazir hatırlattı ki, böyle noqtalarda göñülli gruppalar çalışalar, olar insanlarğa, ayrıca qart ve areketleri sıñırlanğanlarğa, er taraflama yardım eteler. Devlet ise olarğa yardım ete ve işdeşlik yapa.

“Bizim adamlarımızğa yardım berilecek: AQŞnıñ temsilcileri, merkezler, aş, ilâc, yardım. Olarnı tahliye trenlerinen kelgen vilâyetlerde para yardımı bekley, bundan da ğayrı, Ukrainağa özleri saylağanları yerlerine bedava bilet alacaqlar”, – dep İrına Vereşçuk qayd etti.

Memur, VİETdaki ukrainlerni devletimizniñ nezareti altında olğan topraqlarğa qaytmaq içün er türlü imkânnı qıdırmağa çağırdı, atta bunı yapmaq içün Rusiye pasportını almağa kerek olsa bile.

“VİETda bulunıp, Rusiye pasportını alğanları içün insanları cinayetçi dep saymaylar. Olar kerçekten duşmannen işbirlik yapmasa edi. Amma bunı mahsus hızmetlerimiz teşkerecek”, – dep vitse baş nazir qayd etti.