Bugün vitse baş nazir İrına Vereşçuknıñ reberliginen Tahliye meseleleri idare ştabınıñ nevbetteki oturışı olıp keçti. Vatandaşlarnı telükeli yerlerden tahliye etüv meselesini muzakere ettiler.

 

Ayrıca, zarar körgen insanlarğa diqqat ayırıla: balalar, qartlar, saqatlar ve hastalar. Olarnı birinci olaraq tahliye eteler. Telükesiz bölgege tahliye bedava yapıla.

 

Yerli akimiyet organları, ukrain ve halqara gumanitar teşkilâtlarınen tahliye işinde faal işbirlik tutalar. Birleşken ğayretler acele planlaştıruvğa, telükesiz marşrutlarnıñ teşkil etilmesine ve tahliye etilgenlerge kerekli destekniñ temin etilmesine yönelgen.

 

Tahliye etilgenlerge şunı teklif eteler:

 

• kompaktlı yaşağan yerlerde bedava mesken;

 

• devletniñ mesken yardımı;

 

• bedava naqliyatnen çıqqan tahliye etilgenlerge bir kerelik ödeme;

 

• gumanitar, ruhiy ve tibbiy yardım ve ilâhre.

 

Hatırlatamız ki, tahliye aqqında tafsilâtlı malümat almaq içün, er istegen adam öz bölgeniñ arbiy memuriyetine muracaat etmeli.

 

Ya da 24 saat devamında çalışqan ReNazirliginiñ telefon hattına 15-48 nomerasına muracaat etmek mümkün. WhatsApp/Telegram/Viber messencerleri vastasınen haberler içün: (096) 078-84-33 nomerası da bar.