Bugün, bozarğan aynıñ 27-nde, Avropa Şurasınıñ Parlament assambleyası (AŞPA), em sığınaq qıdırğan, em de devlet içinde alınğan kişilerge (DAK) uzun müddetli destek aqqında qararnı qabul etti. Bu aqqında teşkilâtnıñ saytında aytıla.

Bu vesiqağa AŞPAnıñ 56 vekili qol tuttı.

Parlament assambleyası, Ukrainada DAKge qol tutmaq içün tedbirlerni teklif etti. Ayrıca, devlet içinde alınğan qorantalar ve balalarnıñ ihtiyaclarına diqqat ayırıp, yeterli gumanitar yardımnıñ acelen berilmesi.

Devlet içinde alınğan kişilerni destek programmaları, içtimaiy evlerge irişimni qolaylaştırmaq içün maddiy yardımnı ve şahsiy evlerniñ tamirine kredit berüvni, ayrıca mikromaliyeviy ya da alçaq faizli kredit sızığı şeklinde maddiy yardımnı da esapqa almalı.

Aynı zamanda Avropa Birliginiñ azası olğan devletler, Avropada muvaqqat qoruvdan faydalanğan ukrain sığınaqçılarına ise, yaşayış ve qoruv aqqını bermek kerekler.

Bundan ğayrı, vesiqada Rusiye Federatsiyası ve Belorusiyeniñ topraqlarına sürgün etilgen ya da mecburen ketirilgen Ukraina vatandaşlarını, ayrıca balalarını, qaytarmağa yardım etmek içün farqlı taraflar arasında işbirlikni quvetleştirmek kerekligi qayd etile.