O, vilâyet emek merkeziniñ esasında çalışqan ve “Ukrainada yapılğan” adını taşıy. Ukraina prezidenti yanındaki yerli ve bölge akimiyetleriniñ kongressi bu aqqında haber berdi.

Anda iş adamları içün ükümet ve bölge programmaları üzerinde mesleatlar berilecek. Ayrıca, iş leyhalarını azırlamağa ve “Öz işi” ve “Veteranlar içün grant” grant programmalarında iştirak etmek içün vesiqalarnı resmiyleştirmege yardım etecekler.

Bu leyhalar yerine ketirilgeninden berli vilâyetniñ sakinleri 2100-den çoq ariza berdiler. Olardan 940-ı endi Devlet emek merkezi tarafından tasdıqlandı.

Vilâyetniñ teşebbüsçiliginiñ inkişafına devlet yatırımlarınıñ umumiy miqdarı 233 million grivnadan çoq teşkil ete.

Bu iş leyhalarınıñ ömürge keçirilmesi, bölgede eñ azından 2000 yañı iş yeriniñ yaratılmasına yardım etecek.