Bozarğan aynıñ 27-nde 10 nazirlikniñ temsilcisi “Sıñırsız cemaat hızmetleri: usuliyet, yanaşuv ve aletler” seminarında toplaşıp, usul tevsiyelerini azırladılar.

Tedbirniñ iştirakçileri eminler ki, saqatlar, qart insanlar, küçük balalarınen ana-babalar, veteranlar ve devletnen munasebetlerinde manialar olğan başqa cemiyet gruppaları içün devlet hızmetleri daa elverişli ve irişile bilir olmalı.

Seminar çerçivesinde, devlet organları tarafından tibbiy hızmetler ve reabilitatsiya, polis hızmetleri ve uquq qorçalayıcılıq, içtimaiy destek, musafirhane ve media saalarında azırlanğan ve yerine ketirilgen devlet hızmetleriniñ nezareti ve qıymet kesüv aletleri taqdim etildi.

Tedbirde iştirak etkenler, muzakere etilgen tecribe esasında, mütehassıslarnıñ tevsiyelerini qullanmağa ve teklif etilgen vaziyetler içün öz çezüvlerini taqdim etmege imkân aldılar.

Tedbir Avropa Şurasınıñ “Ukrainada içtimaiy qoruvnı quvetleştirüv” leyhası ve “Ukrainada ükümet islâatlarınıñ taqımına” (SURGe) leyhasınıñ taqımınıñ ihtisasiy desteginen teşkil etildi.