Pokrovsk şeerinde vitse baş nazir vatandaşlarnıñ tahliye noqtasını ve arbiy hastahanelerden birini ziyaret etti.

 

İrına Vereşçuk Donetsk vilâyetiniñ arbiy memuriyetleriniñ iş körüşüvini keçirdi.

 

Oturışta Donetsk vilâyetiniñ arbiy memuriyetiniñ başı Vadım Filaşkin, onıñ muavinleri, Donetsk vilâyetiniñ devlet memuriyetiniñ bölükleriniñ yolbaşçıları, em de Donetsk vilâyetiniñ rayon ve arbiy memuriyetleriniñ yolbaşçıları iştirak ettiler.

 

Donetsk vilâyetiniñ ealisini tahliye etüv ve yaşayış teminatınen bağlı esas meselelerni muzakere ettiler.

 

2024 senesi bozarğan aynıñ 25-nde Nazirler Kabineti tarafından tasdıqlanğan Cebege yaqın topraqlarda yaşayış teminatı planınıñ yerine ketirilmesine esas diqqat ayırıldı.

 

Ayrıca, Pokrovsk, Mırnoğrad ve Donetsk rayonınıñ başqa meskün yerlerine suv berüv miqdarınıñ arttırılması meselesi baqıldı.

 

Bundan da ğayrı, vilâyetniñ energiya teminatı ve Donetskniñ küz-qış mevsimine azırlamaları muzakere etildi.