Veteranlar ve olarnıñ qorantaları içün grantlar içün arizanıñ nevbetteki dalğası neticesinde 62 ğalip saylandı, olar öz biznesini açmaq ya da inkişaf ettirmek içün 30 million grivna alacaqlar. Ükümet portalında bu aqqında haber berdiler.

Ğalipler arasında 35 arbiy areketler iştirakçisi ve 27 veterannıñ qorantasınıñ azaları bar. Ayrıca, sekiz ğalip 250 biñ grivnağa qadar grant alacaq, 52 – 500 biñ grivnağa qadar, daa eki insan 1 million grivnağa qadar.

Eñ çoq grant alğanlar Vinnıtsâ, Lviv, İvano-Frankivsk, Rivne, Kıyiv vilâyetlerinden ve Kıyiv şeerinden.

Grant alğanlar öz biznesini böyle saalarda inkişaf ettirmege planlaştıralar: kötere ve bir eşyalıq ticareti, maşna ve mototsikl tamiri, vaqtınca yerleştirüv ve aşamanı teşkil etüv, işlep çıqaruv sanayısı köy hocalığı.

Umumen “Öz işi” programmasınıñ veteran leyhası çalışmağa başlağan berli endi 746 veteran ve arbiy areketler iştirakçileriniñ aileleriniñ azası ğalip olaraq tanındı. Olarnıñ biznesine devlet 340 million grivna yatırım etti.

Bağlantığa basıp, biznes-plannen ariza bermek mümkün.