Balalar işleri devlet hızmetiniñ teşkil etilmesi munasebetinen ReNazirligi Ukraina Nazirler Kabinetiniñ 2022 senesi saban ayınıñ 17-nde qabul etilgen 302. qararına deñişmelerniñ mütenasip leyhasını azırladı. Vesiqa bugün ükümet toplaşuvında qabul etildi.
Qararnıñ leyhasına binaen, İdare ştabınıñ erkânına balalar meseleleri devlet hızmetiniñ reisi kirsetilecek.
Vesiqa aşağıdaki tedbirlerni keçirgen icra akimiyet organlarınıñ işbirligini quvetleştirmek maqsadınen azırlandı:
- balalarnıñ telükeli yerlerden tahliye etilmesini teşkil etmek, olar içün telükesiz şaraitni yaratuv;
- Ukraina tışına çıqqan balalarnıñ aqlarına riayet etilüvini nezaret etüv, olarnıñ Ukrainağa qaytmasını teşkil etüv;
- balalarnıñ aq-uquqları ve menfaatını qorçalamaq içün operativ qararlarnı qabul etüv.
Hatırlatamız ki, 2023 senesi berim ayının soñunda Ükümet Devlet balalar hızmetiniñ meydanğa ketirilmesi aqqında qararnı qabul etti. 2024 senesi saban ayınıñ 8-nde Petro Dobromilskıy hızmet yolbaşçısı olaraq tayinlendi. Bundan evel o, Zakarpattâ vilâyet arbiy memuriyetiniñ reisiniñ muavini edi.
Şunı da qayd etmek kerek ki, İdare ştabı Ukraina Nazirler Kabinetiniñ muvaqqat mesleat organıdır. 2023 senesi saban ayında İdare ştabının reisi vazifesine vitse baş nazir İrına Vereşçuk tayinlendi.