![](https://minre.gov.ua/wp-content/uploads/2024/06/img_0144.jpeg)
2023 senesi arman ayından 2024 senesi çiçek ayına qadar EU4Business programması çerçivesinde ukrain şirketlerine 779 grant berildi. Bunıñ neticesinde 1709 iş yeri yaratıldı.
Neticeler, vitse baş nazir İrına Vereşçuknıñ yolbaşçılığında keçirilgen DAKni işke aluv meseleleri oturışında çıqarıldı.
Grantlarnı cenkten zarar körgen ya da cebeniñ sıñırlarınen sıñırdaş olğan vilâyetlerde iş alıp barğan iş adamları ve insanlar aldılar. Şu cümleden, Sumı, Kıyiv, Çernihiv, Mıkolayiv, Harkiv, Odesa, Dnipropetrovsk, Herson ve Zaporijjâ vilâyetleri.
İş adamları aşağıdaki saalarda çalışmaq içün para aldılar:
- işlep çıqaruv sanayı;
- musafirhane ve restoran işi;
- sağlıq.
Adetince, alınğan paralar cihazlar, malzemeler, kira, emek ve ilâhre masraflarğa sarf etile edi.
“Avropa Birligine ve ayrıca Almaniya ükümetine Ukrainada mikrobizneske destek grantları içün teşekkürler bildirem. Siziñ yardımıñız cenkten zarar körgen bölgelerde iş yerleriniñ ğayrıdan tiklenüvi ve inkişafı içün müimdir. Sizniñ destegiñizni pek qıymet kesemiz”, — dep vitse baş nazir qayd etti.